Paşinyanın arvadı iki gündür Zəngəzurdadır: Anna Akopyanı bu əraziyə gəlməyə nə vadar edib? – ƏTRAFLI

Ermənistanın “Hraparak” nəşri Baş nazir Nikol paşinyanın arvadı Abnna Akopyanın iki gündür Zəngəzurda olduğu haqda məqalə dərc edib.

Busaat.az xəbər verir ki, Anna Akopyan artıq iki gündür Zəngəzurdadır və Paşinyan bu səfərə razılıq verməklə itaətkar icma başçılarını təhqir etmək qərarına gəlib.

Bölgədəki mənbələrdən verilən məlumata görə, Anna Akopyan dincəlmək və ətrafa baxmaq üçün gəlib. İcmalara, mədəniyyət mərkəzlərinə, əyləncə yerlərinə, muzeylərə baş çəkir. Qubernatordan tutmuş icma rəhbərlərinə qədər hamı onu müşayiət etməklə məşğuldur.

Baş nazirin arvadı dünən Oxçuçayın sahilində yerləşən və Qafandan 25 kilometr məsafədə olan Qacaran şəhərinə gəlib. Ermənistan hakimiyyəti tərəfindən təqib edilən mer Manvel Paramazyanın Anna Akopyanı üçqat qəbul etməsi cəmiyyətin fəal hissəsini şoka salıb. Manvel Paramazyan baş nazirin həyat yoldaşını gül dəstəsi ilə qarşılayıb.

Nəşrin yazdığına görə, digər icma liderləri də Anna Akopyanla görüşüblər. Akopyanı Meğrinin yeni meri də müşayiət edib.

Ancaq Gorus icmasının rəhbərinin Akopyanla şəxsən görüşmədiyi bildirilib. Bu gün isə Anna Akopyanın Qafana baş çəkəcəyi gözlənilir. Bəziləri hesab edir ki, Paşinyan bu səfərlə inadkar icma liderlərini “ələ almaq” qərarına gəlib.Konkret.az