“Paşinyanın heç vaxt Qarabağ iddiası olmayıb fikirləri yalnışdır”.
Bunu Busaat.az-a açıqlamasında Ermənistan blokunun deputatı İşxan Saqatelyanın “hakim rejim Ermənistan və Qarabağ haqqında deyil, öz təhlükəsizliyi barədə düşünür” bəyanatına münasibət bildirən İnsan Hüquqları və Maarifçilik İctimai Birliyinin sədri Rafail Becanov deyib.
Becanov bildirib ki, kimin nə deməsindən asılı olmayaraq Ermənistan Qarabağı erməniləşdrmək haqqında 30 il düşünüb və işğal altında saxlayıb: “Nəticə olaraq Ermənistan Qarabağı erməniləşdirməyi bacarmadı. Azərbaycan torpaqlarının işğal altında olması ilə heç vaxt barışmadı. Sülh prosesi üçün danışıqlar 30 ilimizi əlimizdən aldı. Ermənistan 30 il ərzində sülhdən yayındı”.
Paşinyanın Qarabağa iddiası olmadığı barədə yayılan fikirlərə münasibət bildirən Rafail Becanov qeyd edib: “Paşinyanın heç vaxt Qarabağa iddiası olmayıb fikirləri yalnışdır. Paşinyan tam iki il Sarkisyan və Köçəryanın yolunu davam etdirib. İki il sülh danışıqlarından boyun qaçırıb. 2020-ci il 44 günlük “Vətən müharibəsi”ndə Azərbaycan hərb yolu ilə məsələni həll edib”.
Bölgədə davamlı sülhün əldə edilməsinə toxunan politoloq vurğulayıb: “10 Noyabr bəyanatının müddəalarının , eləcə də sülh şərtlərinin yerinə yetirilməsinin təmin olunması üçün Azərbaycan lazımi addımları atacaq. Müxtəlif yollara əl ataraq – ATƏT-in Minsk qrupunu diriltmək, Fransa faktorundan istifadə edərək Azərabaycana təzyiq göstərmək istəyirlər. Bu istəklərin heç bir nəticəsi olmayacaq. Ermənistan siyasi, iqtisadi, hərbi müstəvidə Azərbaycanla rəqabətə girə bilmədiyi üçün “Paşinyanın heç vaxt Qarabağ iddiası olmayıb” kimi fikirlər səsləndirir”.
Busaat.az/Ələsgər
