Peskov: "Kreml Priqojinin təyyarəsinin qəzaya uğraması ilə bağlı araşdırmanın ləng getdiyini düşünmür"

Kreml “Vaqner”in rəhbəri Yevgeni Priqojinin təyyarə qəzası ilə bağlı araşdırmanın gedişatını ləng hesab etmir və hələlik məsələyə münasibət bildirmir.

Busaat.az xəbər verir ki, bu barədə Kremlin mətbuat katibi Dmitri Peskov jurnalistlərə deyib.

“Xeyr, Kreml qətiyyən qəza ilə bağlı araşdırmanın ləng getdiyini düşünmür. Çünki bu, sadə araşdırma və sadə bir qəza deyil. İstintaq davam edir, ona görə də indi hər hansı şərh vermək tezdir ”, – Peskov qeyd edib.

Xatırladaqki, Moskvadan Sankt-Peterburqa uçan Embraer biznes təyyarəsi avqustun 23-də Rusiyanın Tver vilayətində qəza urayıb. Təyyarədə on nəfər olub, hamısı həlak olub. Hadisə ilə bağlı hava nəqliyyatında təhlükəsizlik qaydalarını pozduğuna görə cinayət işi açılıb. Avqustun 27-də İstintaq Komitəsi molekulyar-genetik ekspertizanı başa çatdırıb. İstintaq Komitəsinin mətbuat xidmətindən TASS-a bildiriblər ki, ölənlərin hamısının şəxsiyyəti müəyyən edilib, onlar elan olunmuş siyahıya uyğundur, o cümlədən Priqojinin də adı var.