Varşava və Sofiya Bolqarıstanın MiQ-29 qırıcılarının altı mühərrikinin təmiri ilə bağlı müqavilə imzalayıb.
Busaat.az xəbər verir ki, bu barədə Bolqarıstan Müdafiə Nazirliyinin mətbuat xidməti məlumat yayıb.
“MiQ-29 təyyarələrinin uçuşa hazırlığını təmin etmək məqsədilə Müdafiə Nazirliyi RD-33 mühərriklərinin əsaslı təmirini Polşa dövlət şirkətinə həvalə edib” -məlumatda deyilir.
Təmirin dəyəri vergi nəzərə alınmadan 4,776 milyon avro təşkil edir və 9 aya başa çatmalıdır.
Mütəxəssislərin fikrincə, hazırda xidmətdə olan MiQ-29 təyyarələrindən istifadə resursu 2023-cü ilin sonuna kimi tükənəcək.
