Polşada baş vermiş insidentdən xəbərsizəm - Kremlin sözçüsü
“Təəssüf ki, bu barədə heç bir məlumatım yoxdur”.
Busaat.az xəbər verir ki, bunu Kremlin sözçüsü Dmitri Peskov deyib.
Polşanın “Radio Zet” radiosu çərşənbə axşamı qeyri-rəsmi mənbələrə istinadən xəbər verib ki, Polşanın şərqinə, Ukrayna ilə sərhədə yaxın Prjevodov kəndində iki raket düşüb.
Məlumata görə, hadisə nəticəsində iki nəfər ölüb. Hesabatda həmin raketlərin mənşəyindən bəhs edilməyib.
Rusiya Müdafiə Nazirliyi Rusiya hərbçilərinin Ukrayna-Polşa sərhəd zonasına heç bir zərbə endirmədiyini açıqlayıb.
