“PSJ” Mbappeni komandadan uzaqlaşdırmaq istəyir
“PSJ” fransalı hücumçu Kilian Mbappeni komandadan kənarlaşdırmaq niyyətindədir.
Busaat.az xəbər verir ki, bu barədə “Le10sport” məlumat yayıb.
Mənbə bildirir ki, komanda rəhbərliyi futbolçunun “Park des Princes”in ev stadionunda meydana çıxmasına qadağa qoyulması imkanını nəzərdən keçirir. Bu addımın futbolçunun Paris klubundan qopmasına səbəb olacağı deyilir.
Xatırladaq ki, Mbappenin 2024/2025 mövsümü üçün “PSJ” ilə müqavilənin avtomatik uzadılması variantından imtina etdiyi və 2024-cü ilin yayında azad agent ola biləcəyi məlum olub. Mətbuatda yayılan xəbərlərə görə, hücumçu bu yay transfer pəncərəsində “Real Madrid”ə keçmək istəyir. Mbappe özü növbəti mövsümü “PSJ”də keçirməyi planlaşdırdığını iddia edir.
24 yaşlı forvard bu mövsüm “Paris Saint-Germain”in heyətində 34 liqa oyununa çıxıb, 29 qol vurub və 5 məhsuldar ötürmə edib.
