“PSJ” braziliyalı hücumçu Neymarın “Barselona”ya transferinə razılıq verib.
Busaat.az bildirir ki, bu barədə Sportal.az məlumat yayıb.
Mənbənin sözlərinə görə, Fransa klubu müqavilənin baş tutması üçün “Barselona” ilə danışıqlarda çeviklik nümayiş etdirməyə hazırdır.
31 yaşlı Neymar 2013-2017-ci illərdə “Barselona”da çıxış edib. Onun “PSJ”yə transferi futbol tarixinin ən bahalı transferi olaraq qalır. Paris klubu braziliyalı hücumçu üçün 222 milyon avro ödəyib.
Qeyd edək ki, Neymarın “PSJ” ilə müqaviləsi 2025-ci ilin iyununa qədərdir. Transfermarktın məlumatına görə, sözügedən futbolçunun bazar dəyəri 60 milyon avrodur.
Neymar 2022/2023 mövsümündə “PSJ”nin heyətində bütün turnirlərdə 29 oyuna çıxıb, 18 qol və 17 məhsuldar ötürmə ilə yadda qalıb.
