“PSJ”nin yarımmüdafiəçisi “Roma” klubuna keçdi

“PSJ”nin yarımmüdafiəçisi Leandro Paredes İtaliyanın “Roma” klubuna keçib.

Busaat.az xəbər verir ki, bu barədə klubun mətbuat xidməti məlumat yayıb.

Mənbə bildirir ki, hazırkı dünya çempionu ilə iki mövsümlük müqavilə imzalanıb.

“Romaya qayıtmaq həmişə həyəcanlıdır və Roma forması ilə oynamaq daha maraqlıdır. Azarkeşlərə məni qəbul etdikləri üçün və kluba məni Avropa karyerama başlayan komandaya qaytardıqları üçün təşəkkür edirəm.

Keçən il Dünya Kubokunu qazandığım üçün çox sevindim, amma indi qalib gəlməkdə davam etmək istəyirəm və əminəm ki, “Roma” ilə bunu bacaracam”, –  Paredes söyləyib.

Qeyd edək ki, 29 yaşlı yarımmüdfiəçi 2014-2017-ci illərdə “Roma”da çıxış edib və oradan “Zenit”ə keçib.