Rusiya prezidenti Vladimir Putinin imzaladığı fərmana əsasən, mayın 15-dən etibarən Gürcüstan vətəndaşları Rusiyaya 90 günə qədər vizasız səfər edə biləcəklər.
Busaat.az bu barədə TASS-a istinadən xəbər verir.
“Qərara alıram ki, 15 may 2023-cü il tarixindən etibarən Gürcüstan vətəndaşları Rusiya Federasiyasına işləmək məqsədi ilə daxil olan şəxslər istisna olmaqla, cari şəxsiyyəti təsdiq edən sənədlər əsasında viza almadan Rusiyaya daxil ola və çıxa biləcəklər”, – sənəddə qeyd edilir.
Putinin digər fərmanı isə Rusiya aviaşirkətlərinin Gürcüstana uçuşlarına və bu ölkəyə turların satışına 2019-cu ildən bəri qüvvədə olan qadağaları ləğv edir.
Qeyd edək ki, iki ölkə arasında diplomatik əlaqələr 2008-ci ildə Rusiyanın Abxaziya və Cənubi Osetiyanın müstəqilliyini tanımasından sonra Tbilisi tərəfindən kəsilib.
Busaat.az
