Putin Ramiz Mehdiyevi niyə QURBAN VERDİ? - ŞOK SƏBƏBLƏR

“Ramiz Mehdiyevin çevriliş planını Rusiyanın ifşa etdiyi haqda məlumatlar “Putin onu niyə qurban verdi” sualını ön plana çıxarır. Burada iki mümkün cavab ola bilər”.

Busaat.az xəbər verir ki, bu fikirləri siyasi şərhçi Asif Nərimanlı səsləndirib.

“Birincisi, Putinin planla razılaşmamasıdır. Rusiyada Azərbaycana münasibətdə həmişə iki kanalın mövcud olduğu məlumdur: bir xətt – Müdafiə Nazirliyi, Xarici İşlər Nazirliyi sərt mövqe sərgiləyir, digər xətt – Kreml daha loyal münasibət göstərir. Bu, Rusiyanın postsovet məkanında məşhur olan “yaxşı və pis polis” taktikasından irəli gəlsə də, bir sıra hallarda kanalların yanaşmalarında ziddiyyətlər, toqquşmalar da olur. Lakin son qərar Putin tərəfindən verilir.

Mümkündür ki, Mehdiyevin çevriliş planı Putinə məruzə olunub. Azərbaycanla münasibətlərin kəskin atmosferi fonunda planın qəbul ediləcəyi gözləntiləri olsa da, Rusiya prezidenti imtina edib və Bakı ilə münasibətlərin normallaşmasında nə qədər maraqlı olduğunu təsdiq etmək üçün Düşənbədə Əliyevi məlumatlandırıb.

İkincisi, Rusiya perspektivi olmayan çevriliş planından siyasi məqsəd üçün istifadə edib. Çevriliş planının reallaşmasının qeyri-real olduğunu, xüsusilə Prezident İlham Əliyevin gücünu Moskvada anlayıblar. Onu da anlayıblar ki, perspektivsiz çevriliş cəhdinin dəstəklənməsi Azərbaycanla münasibətlərdə geridönüşü olmayan vəziyyət yarada, Rusiyanın bölgədəki mövqelərinə ciddi zərbə vura bilər. Bu baxımdan, Putin Mehdiyevi Bakı ilə münasibətlərdə siyasi divident qazanmaq üçün qurban verib” – Nərimanlı vurğulayıb.