Heteroseksual qadınlar uzun boylu, geniş çiyinli kişiləri sevirlər.
Busaat.az xəbər verir ki, bu barədə Britaniya Kolumbiyası Universitetinin tədqiqatçıları araşdırma aparıb.
659 heteroseksual qadının iştirak etdiyi dörd araşdırmada tədqiqatçılar kişilərin boyu və çiyin-ayaq nisbətinin cazibədarlıq, kişilik və döyüş qabiliyyəti ilə bağlı qavrayışlara necə təsir etdiyini öyrəniblər. İştirakçılara boyu 160 ilə 190 sm arasında olan kişi bədənlərinin təsvirləri göstərilib.
Qadınlar daha çox hündür və enli çiyinli kişilərin şəkillərini bəyəniblər. Lakin geniş çiyinlər yalnız uzun boylu kişilərdə müsbət xüsusiyyət kimi qəbul edilib və alçaqboylu kişilərin cəlbediciliyini artırmayıb.
