Əgər, Rusiyanın tələbləri yerinə yetirilməsə, taxıl sazişinə yenidən qayıtmayacaq.
Busaat.az xəbər verir ki, bu barədə Rusiya xarici işlər nazirinin müavini Mixail Qaluzin TASS-a müsahibəsində bildirib.
“Rusiyanın tələbləri yerinə yetirilməsə, o, taxıl sazişinə yenidən qayıtmayacaq. Türkiyə BMT də daxil olmaqla, bu maneələri aradan qaldırmağa çalışır. Taxıl ixracının vəziyyəti bütün dünyanı narahat edir. Biz ümidvarıq ki, Soçidə Rusiya və Türkiyə taxıl dəhlizinin işinin bərpası ilə bağlı razılıq əldə edəcəklər”, – Qaluzin deyib.
O, bildirib ki, Ankara Ukraynanın təklif etdiyi alternativləri təhlükəli hesab edərək, onları nəzərdən keçirmir.
Rusiya prezidenti Vladimir Putin və türkiyəli həmkarı Rəcəb Tayyib Ərdoğan sentyabrın 4-də Soçidə danışıqlar aparacaq. İki liderin daimi təmasda olmasına baxmayaraq, qarşıdakı görüş Rusiya iyulun 17-də taxıl sazişindən çıxdıqdan sonra onların ilk üz-üzə təması olacaq.
Qaluzin bildirib ki, Rusiyanın şərtləri dəyişməz olaraq qalır: “Rosselxozbank”ın SWIFT-ə yenidən qoşulması, ehtiyat hissələrin çatdırılmasının bərpası, nəqliyyat logistikasının və sığortasının yaradılması, Rusiya şirkətlərinin onlara çıxış imkanlarının bərpası”.
