“Qarabağ Azərbaycandır! Bu həqiqət... - Fidan

Qardaş Azərbaycanın 8 Noyabr – Zəfər Gününü ən səmimi duyğularımla təbrik edirəm.

Busaat.az xəbər verir ki, bu barədə Türkiyə xarici işlər naziri Hakan Fidan paylaşımında bildirib.

XİN rəhbəri qeyd edib ki, Qarabağın öz torpaqlarına qovuşmasını təmin edən həmin tarixi mübarizənin qəhrəmanlarını ehtiramla anır, Vətən uğrunda canını fəda edən bütün şəhidlərimizi rəhmətlə, qazilərimizi isə minnətlə yad edir:

“Qarabağ Azərbaycandır! Bu həqiqət həm xalqların yaddaşında, həm də bölgənin gələcəyində əbədi yaşayacaq. Bu gün cənab Prezidentimizlə birlikdə Bakıda olmaqdan, qardaşlığımızı bir daha dərindən hiss etməkdən və Azərbaycan xalqının qüruruna şərik olmaqdan böyük şərəf duyuruq”.