Qazax rayonunda ağır yol-nəqliyyat hadisəsi baş verib.
Busaat.az-ın apa-ya istinadən məlumatına görə, qəza rayonun Abbasbəyli kəndi ərazisində qeydə alınıb.
Belə ki, hərəkətdə olan “BMW” markalı minik avtomobili idarəetməni itirərək yol kənarındakı divara çırpılıb.
Nəticədə avtomobildə olan 4 nəfər hadisə yerindəcə həyatını itirib.
Qəza nəticəsində rayonun Fərəhli kənd sakinləri – 1997-ci il təvəllüdlü Ramal Vəliyev, 2000-ci il təvəllüdlü Zaur Əhmədov, 1997-ci il təvəllüdlü Rafət Nəsibov və 2004-cü il təvəllüdlü Göyüş Nəbiyev dünyasını dəyişib.
Hadisə yerinə Qazax Rayon Polis Şöbəsinin əməkdaşları cəlb olunub.
Faktla bağlı araşdırma aparılır.
