“Real Madrid” klubun transfer siyasətinə yenidən baxacaq

Busaat.az xəbər verir ki, “Real Madrid” klubun transfer siyasətinə yenidən baxa bilər.

Belə ki, klub “Mançester Siti”nin hücumçusu Erlinq Haaland və “Paris Sen-Jermen” klubunun hücumçusu Kilian Mbappe üçün mübarizəni dayandıra bilər. “Real Madrid” klubun gələcəyini bu oyunçulardan birinin ətrafında qurmaq istəmir.

Eyni zamanda, ispaniya klubu bu futbolçuların ətrafında baş verənləri yaxından izləyəcək və onların imkanlarını dəyərləndirəcək, lakin bu adları əsas transfer hədəfi etməyəcək.

Xatırladaq ki, “Real Madrid” Kilian Mbappenin transferi üçün mübarizə aparsa da, transfer baş tutmayıb və hücumçu yeni mövsümdə parislilərin heyətində çıxış etməyə davam edib.

“Real Madrid” İspaniya çempionatının yeni mövsümünə ardıcıl dörd qələbə ilə başlayıb.