Rusiya BMT Təhlükəsizlik Şurasında səsvermə hüququndan məhrum edilməlidir

Ukrayna prezidenti Volodimir Zelenski Rusiyanı BMT Təhlükəsizlik Şurasında səsvermə hüququndan və BMT Təhlüksəzilik Şurası qətnamələrinə veto qoymaq hüququndan məhrum etməyə çağırıb.

Busaat.az xəbər verir ki, bu barədə Zelenski BMT Təhlükəsizlik Şurasının Ukrayna üzrə fövqəladə iclasına videomüraciəti zamanı bildirib.

“Terrorçu dövlət özünün təcavüzü və terroru ilə bağlı heç bir səsvermədə iştirak edə bilməz. Bu uğursuzluğa aparan yoldur. BMT strukturu daxilində ədaləti bərpa etməyə maneə olacaq” –deyə, Zelenski Rusiyanı BMT Təhlükəsizlik Şurasında səsvermə hüuquqndan və onun qətnamələrinə veto qoymaq hüuquqndan məhrum etməyə çağırıb.

Ölkə başçısı həmçinin hava hücumundan müdafiə sistemlərinin tədarükü ilə bağlı müraciətini təkrarlayıb: “Biz tərəfdaşlarımızdan Ukrayna səmasını müdafiə etmələrini xahiş edirik. Bizim ən müasir effekttiv hava və raketdən müdafiə sistemlərinə ehtiyacımız var. Mən artıq kömək edənlərin hamısına minnətdaram”.

Qeyd edək ki, Rusiyanın BMT-dəki daimi nümayəndəsinin birinci müavini Dmitri Polyanski daha əvvəl Zelenskinin iclasda onlayn iştirakının BMT Təhlükəsizlik Şurasının prosedur qaydalarını pozduğunu bildirib.

Busaat.az