Rusiya Hərbi Dəniz Qüvvələri sualtı qayıqları qanadlı raketlərlə təchiz etməyi planlaşdırır

Rusiya Hərbi Dəniz Qüvvələrinin komandanı, admiral Nikolay Yevmenov Rusiya sualtı qayıqlarını qanadlı raketlərlə təchiz etməyi planlaşdırdıqlarını açıqlayıb.

Busaat.az xəbər verir ki, bu barədə Nikolay Yevmenov “Krasnaya Zvezda” qəzetinə danışıb.

Yevmenov bildirib: “Strateji olanlar da daxil olmaqla, bütün Rusiya sualtı qayıqları “Kalibr-PL” qanadlı raketləri ilə təchiz oluna bilər”.

Raketlərin ikinci nəsil sualtı qayıqlarda sınaqdan keçirildiyini qeyd edən Yevmenov, “Bu gün demək olar ki, bütün aktiv sualtı qayıqlar onlarla silahlana bilər”, – deyə qeyd edib.

Yevmenov həmçinin əlavə edib: “Strateji sualtı kreyserlər də “Kalibr” raketləri ilə təchiz oluna bilər”.

Busaat.az