"Rusiya tək Ukrayna ilə deyil, bütövlükdə Qərblə müharibə aparır" - Şoyqu

Ukraynanın Sovet istehsalı olan özünə aid silahları tükənir.

Busaat.az xəbər verir ki, bu barədə Rusiya Müdafiə naziri Sergey Şoyqu bildirib.

O qeyd edib ki, hazırda Rusiya döyüş əməliyyatlarını yalnız Ukrayna silahlı qüvvələri ilə deyil, onu dəstəkləyən Qərb ilə də aparır. “Mən bir faktı vurğulamaya bilmərəm ki, biz bu gün daha çox Ukrayna və Ukrayna ordusu ilə deyil, bütövlükdə Qərb və NATO ilə müharibə vəziyyətindəyik” – deyə, Şoyqu əlavə edib.

Şoyqu həmçinin qeyd edib: “Rusiya Qərb tərəfindən Ukraynaya verilən silahlara qarşı uğurlu mübarizə yolları tapır. Burada yalnız böyük miqdarda tədarük edilən silahlar nəzərdə tutulmur. Döyüş meydanında mövcud olan Qərbə aid bütün sistemləri: əlaqə, kəşfiyyat və peyk kəşfiyyatı sistemlərini də nəzərdə tuturuq”.

Busaat.az