Ağ Ev Rusiyanın Ukraynada hərbi cinayətlər törətdiyini və günahkarların cavab verməli olduğunu bildirib.
Busaat.az xəbər verir ki, Ağ Ev Milli Təhlükəsizlik Şurasının sözçüsü Adrienne Watson Rusiya prezidenti Vladimir Putinin Beynəlxalq Cinayət Məhkəməsi (ICC) tərəfindən həbs qərarı ilə bağlı Anadolu Agentliyinə yazılı açıqlama verib.
“Rusiyanın Ukraynada hərbi cinayətlər və vəhşiliklər törətdiyinə şübhə yoxdur. Bizə aydın idi ki, məsuliyyət daşıyanlar cavab verməlidir. İCC prokuroru müstəqil aktordur və qarşısındakı sübutlara əsaslanaraq öz qərarlarını verir. Biz müharibə cinayətləri törədənlərin cəzalanmasını istəyirik”, – Watson bildirib.
Qeyd edək ki, İCC Ukraynada törədilən cinayətlərlə bağlı apardığı araşdırma çərçivəsində Putin və Rusiyanın Uşaq Hüquqları üzrə Müvəkkili Mariya Alekseyevna Lvova-Belovanın hərbi cinayətlər səbəbilə həbsinə order verildiyini açıqlayıb.
