Rusiya XİN: "Lavrov sentyabrın 20-də Nyu-Yorkda BRİKS-ə üzv ölkələrin Xarici İşlər Nazirləri toplantısında iştirak edəcək"

Rusiyanın xarici işlər naziri Sergey Lavrov sentyabrın 20-də Nyu-Yorkda BMT Baş Assambleyasının 78-ci sessiyası çərçivəsində BRICS ölkələrinin xarici işlər nazirlərinin görüşündə iştirak edəcək.

Busaat.az xəbər verir ki, bu barədə TASS məlumat yayıb.

Daha əvvəl bildirilmişdi ki, sentyabrın 19-26-da Lavrov Baş Assambleyanın sessiyası çərçivəsində 20-yə yaxın ikitərəfli görüşlər, həmçinin beynəlxalq təşkilatların nümayəndələri, o cümlədən BMT-nin baş katibi Antonio Quterreşlə danışıqlar aparmağı planlaşdırır.

“Sentyabrın 20-də Rusiyanın xarici işlər naziri Sergey Lavrov Nyu-Yorkda BMT Baş Assambleyasının 78-ci sessiyası çərçivəsində BRİKS Xarici İşlər Nazirlərinin Görüşündə iştirak edəcək. İclas iştirakçıları cari beynəlxalq problemlər, o cümlədən BMT Baş Assambleyasının 78-ci sessiyasının gündəliyində duran məsələlər ətrafında fikir mübadiləsi aparacaqlar”, – məlumatda deyilir.

Nazirlik tərəflərin BRİKS çərçivəsində qarşılıqlı fəaliyyəti, eləcə də Cənubi Afrikada keçirilən sammitdə qəbul edilmiş qərarların icrasını müzakirə edəcəklərini vurğulayıb.

“Lavrov həmkarlarını Rusiyanın 2024-cü ildə assosiasiyaya qarşıdan gələn sədrliyi ilə bağlı planlar barədə məlumatlandıracaq”, – rusiyalı diplomatlar əlavə ediblər.