Macarıstan rəhbərliyi Ukrayna böhranı ətrafında vəziyyətlə bağlı kifayət qədər realistdir və ölkənin milli maraqlarını müdafiə etməkdən çəkinmir.
Busaat.az xəbər verir ki, bu barədə Rusiya xarici işlər nazirinin müavini Aleksandr Qruşko bildirib.
“Həqiqətən, bu, vəziyyətin çox real təhlilidir”, – o, Rusiyanın Birinci Kanalına müsahibəsində Macarıstanın baş naziri Viktor Orbanın Ukrayna ətrafındakı vəziyyətlə bağlı bəyanatlarını şərh edərkən deyib.
“Macarıstan yeganə ölkədir ki, öz milli maraqlarını gördüyü kimi açıq şəkildə ifadə etməkdən çəkinmir. Macarıstanın rifahının Rusiya ilə sağlam, normal əlaqələrdən asılı olduğu aydındır”, – Qruşko əlavə edib.
