Kembric hersoqu şahzadə Uilyam Londonda küçədə jurnal satarkən görüntülənib.
Busaat.az “Sky News”a istinadən xəbər verir ki, ətrafdan keçən insanlar şahzadə Uilyamın “Big Issue” xeyriyyə jurnalını satdığını görüblər. Şahzadə jurnalı satan şəxslərə xas olan qırmızı jilet və papaq da geyinib.
Şahzadəni tanıyan sakinlər ilk olaraq kənardan onun fotosunu çəkmək istəsə də, şahzadə özü onlara yaxınlaşıb və birlikdə foto çəkdiriblər.
Bununla belə, nə “Bis Issue”, nə də kral ailəsi şahzadə Uilyamın bu xeyriyyə addımı ilə bağlı açıqlama verməyib.
Qeyd edək ki, “Big Issue Foundation” evsiz və işsiz şəxslərə pul qazanmağa kömək edən xeyriyyə təşkilatıdır. Belə ki, sözügedən şəxslər jurnalı yarım funta alaraq, 3 funta satırlar və gəliri özlərinə götürürlər.
