Sən qalxıb necə bu cür açıqlama verə bilərsən? - Ərdoğandan Jozep Borrellə ağır SÖZLƏR
“Borrell Mövlud bəyin tərəf müqabili ola bilər”.
Busaat.az “TRT Haber”ə istinadən xəbər verir ki, bunu Türkmənistan səfərindən qayıdarkən təyyarədə jurnalistlərə müsahibə verən Türkiyə prezidenti Rəcəb Tayyib Ərdoğan deyib.
“Bizim Rusiya ilə münasibətlərimizi Borrell təyin, tənzim edə bilməz. O, belə məsələlərdə qərar verəcək keyfiyyətdə və bacarıqda deyil. Sən qalxıb necə bu cür açıqlama verə bilərsən? Borrelli tərəf müqabili olaraq görmürəm. Borrell olsa olsa, Mövlud bəyin tərəf müqabili ola bilər”, – deyə Ərdoğan bəyan edib.
Qeyd edək ki, Avropa İttifaqının xarici siyasət və təhlükəsizlik məsələləri üzrə ali təmsilçisi Jozep Borrell Türkiyənin də Avropa ölkələri kimi Rusiyaya qarşı sanksiyalara əməl etməli olduğunu bildirib.Redaktor.az
