Səudiyyə Ərəbistanının Maliyyə naziri Məhəmməd əl-Cədaan, artan inflyasiyanın təsiri ilə mübarizə aparan ölkələrlə ittifaqları gücləndirməyə kömək etmək ümidi ilə Pakista maliyyə dəstəyi verəcək.
Busaat.az xəbər verir ki, bu barədə məlumatı Bloomberg yayıb.
Əl-Cədaan Ər-Riyadda keçirdiyi mətbuat konfransında bildirib: “Səudiyyə hökuməti olaraq bacardığımız qədər Pakistanı dəstəkləməyə davam edəcəyik”.
Krallıq müttəfiqlərlə münasibətləri gücləndirmək məqsədilə region ölkələrinə maliyyə dəstəyi göstərmək üçün bir sıra addımlar atıb. Xarici valyuta ehtiyatlarını artırmaq və bu ayın əvvəlində Pakistana koronavirus pandemiyasının iqtisadi təsirinin aradan qaldırılmasına kömək etmək məqsədilə 3 milyard dollarlıq ödəmələrin vaxtını uzadıb.
Diplomat qeyd edib ki, Səudiyyə Ərəbistanı Misirə daha çox sərmayə qoymağı və Türkiyədə investisiya imkanlarının araşdırılmasına başlamağı planlaşdırır: “Türkiyə ilə əlaqələrimiz çox yaxşılaşır və investisiya imkanlarımız olacağına ümid edirik. Misirə aktiv şəkildə investisiya qoymağa başlamışıq və investisiya imkanları axtarmağa davam edirik”.
