Şimali Koreyadan diplomatiya qaydalarını məhv edən təhdid: “İt kimi hürənləri şillələmək istəyirəm”

image-image-nkorea-politics-health-virusbackend

Son zamanlar ardıcıl raket sınaqları və nüvə proqramı ilə beynəlxalq reaksiyaların hədəfinə çevrilən Şimali Koreyadan “düşmən qardaşı” Cənubi Koreyaya qeyri-adi təhdidlər gəlib.

Busaat.az xəbər verir ki, ABŞ və Cənubi Koreya Şimali Koreyanın nüvə raket sınaqlarına qarşı hərbi əməkdaşlığını artırarkən, qeyri-adi açıqlamaları ilə tanınan Şimali Koreya liderinin bacısı diplomatiya qaydalarını məhv edən yeni açıqlamalar verib.

Koreya Xalq Demokratik Respublikasının (KXDR) prezidenti Kim Çen İnin bacısı Kim Yo-jonq, ölkənin casus peyk layihəsinə xor baxan Cənubi Koreya məmurlarını hədəfə alıb: “Peyk inkişaf etdirmə qabiliyyətimizi qəzetimizdə dərc etdiyimiz iki fotoşəkillə şərh edənlər it kimi hürür. Harada dayanacağını bilməyən bu alçaqlara bir şillə vurmaq istərdim”.

Hakim İşçi Partiyasının Mərkəzi Komitəsinin üzvü Kim Şimali Koreyanın varlığını təhdid edən düşmənlərinin olduğunu bildirib: “Ballistik raketlər və casus peyklər hazırlamaq bizim suveren hüququmuzdur, birbaşa milli təhlükəsizliklə bağlıdır”.

Qeyd edək ki, Cənubi Koreyadan olan bəzi ekspertlər Şimali Koreya mətbuatında dərc olunan fotolara əsasən, casus peyklərin müşahidə üçün kifayət etmədiyini şərh ediblər. Bu isə, Koreyanın şimalında hiddətlə qarşılanıb.

Busaat.az 

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90