“Torino”nun müdafiəçisi Merqim Voyvoda karyerasını Rusiya çempionatında davam etdirə bilər.
Busaat.az “Sky Sport Italia”ya istinadən xəbər verir ki, 28 yaşlı futbolçunun xidmətində RPL-in iki klubu – “Lokomotiv” və “Spartak” maraqlıdır.
Kosovalı müdafiəçinin Torino ilə müqaviləsi 2024-cü ilin yayına kimi nəzərdə tutulub. Transfermarkt onlayn portalı oyunçunu 4 milyon avro dəyərində qiymətləndirir.
Voyvoda 2020-ci ildən “Torino”da çıxış edir. Kosovo millisində keçirdiyi 48 matçda iki qol vurub.
Xatırladaq ki, “Spartak Moskva” 2023/2024 mövsümünün RPL turnir cədvəlində dördüncü yeri tutur. Komanda ilk dörd raundda doqquz xal toplayıb. Rusiya çempionatında lider “Krasnodar” (12 xal). “Lokomotiv” (5) 9-cu yerdədir.
