Sumqayıtda fəhlə aşan divarın altında qalaraq ölüb.
Busaat.az-ın verdiyi xəbərə görə, hadisə martın 22-i səhər saatlarında Qurd dərəsi bağları yaşayış massivində baş verib.
Lerik rayon sakini, 1987-ci il təvəllüdlü Məmmədov İlham Sərxan oğlu həmin ərazidə Heydər Mehdiyevə məxsus bağ evinin həyətində kanalizasiya xəttinin çəkilməsi üçün torpağı qazarkən daş hasarın üzərinə aşması nəticəsində vəfat edib.
Polis və prokurorluq əməkdaşları tərəfindən hadisə yerinə və meyitə baxış keçirilib, məhkəmə tibb ekspertizası təyin edilib.
Faktla bağlı cinayət işi başlanılıb, istintaq aparılır.
