Tacikistan-Əfqanıstan sərhədini pozan 3 terrorçu məhv edilib
Ötən həftə Tacikistan-Əfqanıstan sərhədini pozan 3 terrorçu Tacikistan xüsusi xidmət orqanları tərəfindən öldürülüb.
Busaat.az “Xovar” agentliyinə istinadən xəbər verir ki, bu barədə Tacikistan Dövlət Milli Təhlükəsizlik Komitəsi bildirib.
“Avqustun 30-da səhər saatlarında beynəlxalq terror təşkilatının 3 üzvü Müstəqillik Günü qeyd etmələri ərəfəsində Tacikistan Respublikasının ərazisində terror aktı törətməyi planlaşdıraraq Tacikistan-Əfqanıstan sərhədini qanunsuz keçib. Terror qruplaşmasının üç üzvü antiterror əməliyyatı nəticəsində məhv edilib”, – deyə nazirlik məlumat yayıb.
Bildirlib ki, xüsusi təyinatlı dəstə qruplaşmanın hərəkətlərini izləyib. Silahlılar sentyabrın 5-də mühasirəyə alınaraq öldürülüb.
