Türkiyə Avropaya öz qazını təklif edə bilər

Türkiyə Qara dənizdə yeni qaz ehtiyatları aşkar etdikdən sonra bir sıra Avropa ölkələri üçün yeni təchizat alternativləri təklif edə bilər.

Busaat.az xəbər verir ki, bu barədə TRT Haber telekanalı məlumat yayıb.

Türkiyə 2020-ci ildə Qara dənizdə həcmi 540 milyard kubmetr olan böyük qaz yatağı kəşf edib. Daha sonra prezident Rəcəb Tayyib Ərdoğan yatağı ölkənin ən böyük qaz yatağı adlandırıb. O, həmçinin Qara dənizdə ehtiyatı 58 milyard kubmetr olan başqa qaz yatağının aşkar edildiyini, ehtiyatın 652 milyarda çatdırıldığını, Qara dənizdəki ümumi qaz ehtiyatlarının isə 710 milyard kubmetrə və ya 1 trilyon dollara çatdığını bildirib.

Türkiyə ilə Bolqarıstan arasında təbii qaz ticarətinə dair sazişin imzalanması Avropa İttifaqı və Balkan ölkələri üçün diqqətəlayiq bir hadisədir. Telekanalın məlumatına görə, Ankaranın Qara dənizdə kəşf etdiyi qaz infrastrukturu bəzi Avropa ölkələri üçün yeni alternativlər təklif edə bilər.