Türkiyə ilə əməkdaşlığın davam etdirilməsi qaçılmazdır – Dibeybe

Liviyanın Türkiyə ilə iqtisadi, siyasi və hərbi sahədə əməkdaşlığının davam etdirilməsi qaçılmazdır.

Busaat.az xəbər verir ki, bunu Liviya Milli Birlik Hökumətinin baş naziri Əbdülhəmid Dibeybe deyib.

Baş nazir Dibeybenin mətbuat ofisindən verilən məlumata görə, Dibeybe Türkiyənin Tripoli səfirliyinin hərbi attaşesi Tevabil Menekşenin səlahiyyət müddətinin başa çatması ilə əlaqədar səfir Kənan Yılmaz və Atteşşelik işçilərini qəbul edib.

“Türkiyə ilə iqtisadi, siyasi və hərbi sahədə əməkdaşlığın davam etdirilməsi qaçınılmazdır” – deyə, qeyd edən Dibeybe, Menekşeyə bütün iş dövründə göstərdiyi müsbət əməkdaşlığa görə təşəkkür edib.

Qeyd edək ki, Türkiyə ilə Liviya arasında güclü tarixi əlaqələrdən əlavə, təhlükəsizlik, hərbi və iqtisadi sahədə çoxlu razılaşmalar mövcuddur.