Türkiyə İsraillə ticarətin bərpası üçün son tarix təyin edib.
Busaat.az xəbər verir ki, bu müddəti Türkiyə Ticarət Nazirliyinin rəhbəri Ömər Bolat müəyyən edib.
Məlumata görə, Türkiyə Qəzza zolağında daimi atəşkəs əldə olunmayana qədər İsraillə ticarətin bərpa olunmayacağını bildirib .
Qeyd edib ki, ticarəti tamamilə dayandırmaq qərarı mayın 2-də verilib və məqsədi İsrailin ən qısa zamanda atəşkəsə razı olması, həmçinin Qəzzanın yenidən qurulmasına başlanılması və onlara ərzaq və tibbi yardımın çatdırılmasıdır.
Eyni zamanda, Bolat əlavə edib ki, Fələstinlə ticarət davam edir və Türkiyə Fələstin iqtisadiyyatının minimum itkiyə məruz qalması üçün əlindən gələni edir.
