“Türkiyəyə gedən boru kəmərində Ukrayna təxribat törətmək istədi” - FSB

Ukraynanın Türkiyəyə gedən təbii qaz kəmərinə təşkil etdiyi hücumun qarşısını alınıb.

Busaat.az xəbər verir ki, bu barədə məlumatı Rusiyanın kəşfiyyat qurumu FSB yayıb.

Məlumatda iddia edilib ki, “Cənub axını” qaz kəmərində təxribata hazırlaşan şəxslər birbaşa Ukrayna hökumətindən sifariş alıblar.

FSB təxribatda istifadə edilməsi planlaşdırılan mina və plastik partlayıcı maddələrin ələ keçirildiyini bildirib. “Cənub axını” boru kəmərini hədəf almağı planlaşdıran təxribata dəstək verən bəzi rusların da saxlanıldığı bildirilib.

“Cənub axını” kəməri Rusiya təbii qazının Qara dəniz üzərindən Bolqarıstana nəqlini nəzərdə tutan bir boru kəməri layihəsidir, lakin sonradan layihə ləğv edilib və “Türk axını” təbii qaz kəmərinə üstünlük verilib.

Busaat.az