Rusiyanın Ukraynanın Odessa vilayətinə gecə saatlarında pilotsuz uçuş aparatları (PUA) və raketlərlə hücumu zamanı liman infrastrukturu və taxıl anbarlarının zədələndiyi açıqlanıb.
Busaat.az xəbər verir ki, bu barədə Ukrayna Cənub Müdafiə Komandanlığın açıqlama yayıb.
Bildirilib ki, Rusiya gecə saatlarında Ukraynaya PUA və raketlərlə hücum edib və Ukraynanın Odessa bölgəsinə 19 “Şahed” tipli PUA və 2 “Onyx” səsdən sürətli raket göndərib.
Açıqlamada Rusiya ordusunun Ukrayna daxilindəki hücumlarda 12 “Kalibr” qanadlı raketindən istifadə etdiyi də ifadə edilib. Bildirilib ki, Nikolayev və Kirovoqrad vilayətləri üzərində 19 İHA və 11 “Kalibr” raketi hava hücumundan müdafiə sistemləri ilə vurulub.
Açıqlamaya görə, Rusiya qüvvələri Odessa vilayətinin liman infrastrukturuna zərbələr endirib. Odessa dəniz terminalına xeyli ziyan dəyib, istismarda olan terminalın otelində yanğın baş verib və alov yanğınsöndürənlər tərəfindən tez bir zamanda söndürülüb.
Taxıl anbarlarının “Onisk” raketləri ilə dağıdıldığı və hücumda xəsarət alan olmadığı da paylaşılıb.
