Ukrayna ordusu ölən 4010 rus əsgərinin adını AÇIQLADI

“BBC Rus Xidməti”nin jurnalistləri iyunun 24-dək Ukraynaya hücum zamanı həlak olan 4010 rus əsgərinin şəxsiyyətini müəyyənləşdirə biliblər.

Busaat.az  xəbər verir ki, siyahıya könüllü döyüşə gedən Rusiya vətəndaşları da daxil edilib.

Jurnalistlər qeyd edirlər ki, ölən könüllülərin sayı “sürətlə artır” və onlar arasında itkilər hər hansı digər kateqoriyadan olan hərbi qulluqçulardan daha çoxdur. Hər həftə 30-40 könüllünün ölümü ilə bağlı xəbərlər gəlir. Ölən könüllülərin 40%-dən çoxu 45 yaşdan yuxarı insanlardır (onların yarısı 50 yaşdan yuxarıdır). Bu, Rusiya hərbçilərinin digər kateqoriyaları arasında itkilərin dinamikasından əhəmiyyətli dərəcədə fərqlənir. Müəyyən edilmiş itkilərin 47%-i 18-26 yaş arası şəxslər arasında baş verir. Könüllülər cəbhəyə göndərilməzdən əvvəl Çeçenistandakı hərbi hissələrin bazasında və ya xüsusi təyinatlılar universitetində cəmi üç-yeddi günlük təlim keçirlər.

Ukraynada həlak olan 4010 rus əsgərindən 188-i yüksək rütbəli zabitlərdir (general, polkovnik, polkovnik-leytenant, mayor). Ümumilikdə 689 nəfər, yəni müəyyən edilmiş ölənlərin 17%-i zabitlərdir.

İyunun 24-dək adları açıqlanan bütün ölənlərin 20% -i Hava-Dəniz Qüvvələrində, daha 19% -i motoatıcı qoşunlarda xidmət edib. Ekspertlər qeyd edirlər ki, bu, Rusiya hərbçilərinin hazırda apardığı hərbi əməliyyatların xarakteri ilə bağlıdır.

İndi ruslar Donetsk və Luqansk vilayətləri ərazisində döyüşlər aparır. BBC-nin təsdiq edə bildiyi itkilər siyahısına Vityaz, Rosiç və Tayfun elit bölmələrinin döyüşçüləri də daxil olmaqla, Rusiya Qvardiyasının 150 üzvü daxildir. Ölənlər arasında ən azı 93 Rusiya kəşfiyyatının xüsusi təyinatlısı və iki “Alfa” xüsusi təyinatlısı var. Bütün bu bölmələr Rusiyada ən yaxşılardan sayılır. BBC həmçinin ən azı 42 hərbi pilotun öldüyünü bildirir.

Britaniya kəşfiyyatının məlumatına görə, iyunun ortalarınadək Rusiya Ukraynada 20 minə yaxın adamını itirib. Ukrayna Baş Qərargahının məlumatına görə, ölən Rusiya hərbçilərinin sayı 34 mini keçib.Konkret.az