Ukrayna Rusiyanın taktiki nüvə silahlarının Belarusda mümkün yerləşdirilməsi ilə bağlı BMT Təhlükəsizlik Şurasının fövqəladə iclasının keçirilməsinə çağırıb.
Busaat.az xəbər verir ki, bu barədə Ukrayna Xarici İşlər Nazirliyi bildirib.
“Ukrayna Böyük Britaniya, Çin, ABŞ və Fransadan Kremldən gələn nüvə təhlükəsinə qarşı təsirli addımlar atmasını gözləyir. Bu məqsədlər üçün biz BMT Təhlükəsizlik Şurasının növbədənkənar iclasının çağırılmasını tələb edirik” , – deyə məlumatda bildirilir.
Qeyd edək ki, bundan əvvəl Rusiya prezidenti Vladimir Putin bildirib ki, Rusiya Belarus tərəfinin tələbi ilə ABŞ-nin öz müttəfiqlərinin ərazisində çoxdan etdiyi kimi, öz taktiki nüvə silahlarını Belarusda yerləşdirəcək. Putin bildirib ki, Rusiya artıq Belarusa nüvə silahı daşıyıcısı olan “İsgəndər” sistemini verib və iyulun 1-də respublika ərazisində taktiki nüvə silahları üçün anbarın tikintisini başa çatdırmalıdır.
