ÜST xəbərdarlıq etdi: “Sabah pandemiya başlayacaq”

Dünyada təhlükəli xəstəliyin yeni pandemiyasının “sabah” başlaya biləcəyinə dair xəbərdarlıq edilib.

Bu barədə Ümumdünya Səhiyyə Təşkilatının (ÜST) Baş Direktorı Tedros Adhanom Qebreyesus xəbərdarlıq edib. O, ölkələri pandemiyanın qarşısının alınması ilə bağlı saziş üzərində işin sürətləndirilməsinə çağırıb. ÜST-nin üzvü olan dövlətlərin səfirləri qarşısında çıxış edən Qebreyesus qeyd edib ki, COVID-19 pandemiyası bu gün geopolitik və iqtisadi şoklar fonunda uzaq xatirə kimi görünür:

“Amma növbəti pandemiya 20 ildən sonra və ya daha uzun müddət sonra başlaya bilər, ya da sabah başlaya bilər. Biz buna hazır olmalıyıq”. O, həmçinin vurğulayıb ki, dünya ÜST-nin pandemiya ilə bağlı sazişini sona çatdırmaq üçün ölkələrin iştirakını və liderliyini gözləyir. Baş direktor əlavə edib ki, qlobal səhiyyə təhlükəsizliyi üçün birləşmiş səylər və ümumi təhlükələrə qarşı ortaq yanaşma vacibdir. “İnanıram ki, siz razılığa gəlməyə hazırsınız”, – deyə Qebreyesus sözlərini tamamlayıb./cebheinfo.az