Çin ümid edir ki, ABŞ və Vyetnam arasında əməkdaşlıq Asiyada silahlanma yarışına səbəb olmayacaq.
Busaat.az xəbər verir ki, bu barədə Çin Xarici İşlər Nazirliyinin sözçüsü Van Venbin bildirib.
“Ümid edirik ki, müvafiq ölkələr beynəlxalq münasibətləri tənzimləyən əsas normalara riayət edəcək. Hegemonizm və soyuq müharibə təfəkküründən əl çəkəcək, qarşıdurma saxlamaqdan və silahlanma yarışını qızışdırmaqdan çəkinəcək, regional sülhə, sabitliyə, inkişafa və rifaha xələl gətirməyəcək”, – Van Venbin deyib.
Sentyabrın 23-də Reuters amerikalı rəsmilərə istinadən məlumat yayıb ki, ABŞ administrasiyası Vyetnama F-16 döyüş təyyarələri də daxil olmaqla böyük silah paketi vermək üçün danışıqlar aparır. Mənbənin xəbərinə görə, sövdələşmə 2024-cü ildə bir müddət bağlana bilər.
