Alman avtomobil istehsalçısı “Volkswagen”in kompüter sistemində böyük nasazlıq yaranıb və şirkət bir çox zavodlarda istehsalı dayandırmalı olub.
Busaat.az xəbər verir ki, bu barədə Alman Xəbər Agentliyi (DPA) məlumat yayıb.
Mənbənin sözlərinə görə, “Volkswagen”in Volfsburqdakı baş ofisində kompüter sistem şəbəkəsində nasazlıq aşkar edilib.
Bildirilib ki, şirkətin Almaniyadakı 4 avtomobil zavodunda istehsal dayandırılıb.
Şirkət sözçüsü sistemin nasazlığından “Volkswagen” Qrupunun “Porsche” və “Audi” markalarının da təsirləndiyini və nasazlığın mənbəyini araşdırmaq üçün böhran masası yaradıldığını deyib.
Mətbuat katibi kiberhücum ehtimalını istisna edib.
