Vuçiç Kosovodakı serbləri və albanları sülhü qorumağa çağırır
Serbiya prezidenti Aleksandar Vuciç Kosovodakı serb və albanları sülhü qorumağa çağırıb.
Busaat.az xəbər verir ki, serb lider çağırışında qeyd edib:
“Bu gün biz nə edəcəyimizi müzakirə etdik. Həm albanları, həm də serbləri sülhü qorumağa və vəziyyəti sakitləşdirməyə çağırmaq bizim üçün vacibdir”.
O, həmçinin Kosovonun şimalındakı serbləri sakit olmağa və təxribatlara boyun əyməməyə çağırıb.
“Vətənimizin müdafiəsi üçün müvafiq tədbirlər gördük. Mən mühüm sərəncamlar verdim və Milli Təhlükəsizlik Şurası onları qəbul etdi. Əsgərlərimiz və polislərimizlə fəxr edirəm” – deyə, Vuviç qeyd edib.
“Kosovo polisi dünən və srağagün olduğu kimi bu gün də xüsusi bölmələrlə Kosovoda serblərin yaşadığı ərazilərə müdaxilə etdilər, lakin beynəlxalq ictimaiyyət onları görmür” – deyə, serb lider əlavə edib.
