Xəzər Universitetinin Dünya Məktəbində “Televiziya və Radio günü uşaqların gözü ilə” adlı tədbir keçirilib -FOTOLAR

Xəzər Universitetinin Dünya Məktəbində 3 Mart Uşaqların Beynəlxalq Televiziya və Radio Günü münasibəti ilə “Televiziya və Radio günü uşaqların gözü ilə” adlı tədbir keçirilib.

Səid Rüstəmovun “Radio marşı ilə başlayan tədbirdə Dünya Məktəbinin birinci sinif şagirdləri müxtəlif mahnı, rəqs nömrələri ilə çıxış ediblər. Bundan əlavə televiziyanın müxtəlif şöbələrində çalışan texniki və yaradıcı heyətin iş bölgüsünü ifadə edən çarx nümayiş olunub.

Bədii hissədən sonra Bakı Dövlət Universitetinin professoru, məşhur jurnalist Qulu Məhərrəmli uşaqlara televiziya sənətinin incəliklərindən söz açıb, televiziyanın ölkənin və xalqın inkişafındakı mühüm əhəmiyyəti barədə danışıb. Professor Sevinc xanım Əliyeva isə çıxışında uşaqların inkişaf dövründə televiziya və radionun əhəmiyyətini vurğulayıb, bu cür tədbirlərin vacibliyini qeyd edib.

Tədbirdə Dünya Məktəbinin rəhbərliyi, şagird-müəllim heyəti, ictimaiyyətin nümayəndələri iştirak edib.