Yanvar ayı Avropa tarixində ən isti aylardan biri kimi tarixə düşüb

Avropa Birliyinin Kopernik Yer Müşahidələri proqramına görə, ötən yanvar ayı Avropa tarixində ən isti aylardan biri olub.

Busaat.az-ın xəbərinə görə, Kopernik bildirib ki, Avropanın əksər hissəsində, o cümlədən Balkanlarda və Şərqi Avropada temperatur orta səviyyədən yüksək olub. Bundan başqa, ABŞ-ın şərqində, Kanadada, Meksikada və Rusiyanın qərbində yüksək temperatur müşahidə olunub.

Əfqanıstan, Pakistan və qonşu ölkələr və Avstraliyada olduğu kimi Sibirdə də orta səviyyədən aşağı temperatur olub.

Təşkilat qeyd edir ki, ötən yanvar ayı müstəsna ay olsa da, onun temperaturu iqlim dəyişikliyinin bir çox regionlara təsirinin əlamətidir və gələcək ekstremal hadisələrin növbəti xəbərdarlığı sayıla bilər.