Keçmiş Yaponiya Şahzadəsi Mako ilə yenicə ailə həyatı qurmuş Key Komuro Nyu-Yorkda vəkillik imtahanından keçə bilməyib.
Busaat.az“South China Morning Post” nəşrinə istinadən xəbər verir ki, Key Komuronun adı imtahandan uğurla keçmiş şəxslərin siyahısında olmayıb.
Məlumata əsasən, Komuro imtahanı yenidən verməli olacaq.
Qeyd edək ki, Komuro Fordham Universitetinin Hüquq fakültəsini bitirdikdən sonra Nyu-York şirkətlərinin birində assistent olaraq çalışıb. O, universiteti hüquq elmləri doktoru dərəcəsi ilə bitirib.
Xatırladaq ki, Yaponiya taxtının varisi Şahzadə Akişinonun qızı və imperator Naruhitonun qardaşı qızı Şahzadə Mako ilə tələbə yoldaşı Key Komuro oktyabrın sonunda nikah bağlayıb. Sadə vətəndaşa ərə gedərək Şahzadə Mako bütün imtiyazlarından məhrum olub. Cütlük nikahdan sonra bir müddət Tokioda yaşayacaq və onların daha sonra noyabrın ilk yarısında ABŞ-a gedəcəyi gözlənilir.
