Yaponiyada ayı təhlükəsi: Ölkənin şimalına qoşunlar göndəriləcək

Yaponiya son vaxtlar ölkədə artan ayı hücumlarına qarşı tədbir olaraq, hücumların cəmləşdiyi Akita prefekturasına ölkənin şimalında əsgər göndərmək qərarına gəlib.

Busaat.az xəbər verir ki, Yaponiya Nazirlər Kabinetinin Baş Katibinin müavini Sato Fumitoshi mətbuata bildirib ki, ayı hücumları məskunlaşan ərazilərdə tez-tez baş verir və onlarla mübarizə prioritet məsələyə çevrilib.

Yaponiya Quru Özünümüdafiə Qüvvələri (GSDF) və Akita Prefektura Hökuməti arasında əldə olunan razılaşmaya əsasən, ayı tələlərinin qurulması, yerli ovçuların nəqliyyatının təmin edilməsi və öldürülən ayıların məhv edilməsi kimi sahələrdə dəstək vermək üçün bölgəyə hərbi birliklər göndəriləcək.

Noyabrın 30-na qədər davam edəcək müqaviləyə əsasən, əsgərlər hücumlarla mübarizə səyləri çərçivəsində ayıları vurmayacaq, yalnız maddi-texniki dəstək verəcək.

Yaponiyanın Ətraf Mühit Nazirliyinin məlumatına görə, aprel ayından bəri xüsusilə ölkənin şimalında artan ayı hücumları nəticəsində 12 nəfər ölüb, 100-dən çox insan yaralanıb.

Oktyabrın 31-də Yaponiya hökuməti ayı hücumları ilə mübarizə aparmaq üçün yeni lisenziyalı ovçular işə götürmək planlarını açıqladı.

Yeganə