Yaponiya Rusiyaya qarşı sanksiyaları genişləndirəcək və kimyəvi silahların hazırlanmasında istifadə edilən malların ixracınını qadağan edəcək.
Busaat.az xəbər verir ki, bu barədə məlumatı Yaponiya İqtisadiyyat, Ticarət və Sənaye nazirliyi yayıb.
Yeni sanksiyalar 3 Oktyabr tarixindən etibarən qüvvəyə minəcək.
Qeyd edək ki, qadağan olunmuş təşkilatlar arasında “Moselektronproyekt” şirkəti, “Etalon” elmi-istehsalat birliyi, “Energia” şirkəti və Milli Tədqiqat Mərkəzi olan Kurçatov İnstitutunun Əlixanov adına Nəzəri və Eksperimental Fizika İnstitutu da yer alıb.