2024-cü ildə dövlət büdcəsindən təhsil sahəsinə ümumilikdə 4 549 916 090,0 manat vəsait ayrılması nəzərdə tutulur.
Busaat.az xəbər verir ki, bu barədə “Azərbaycan Respublikasının 2024-cü il dövlət büdcəsi haqqında” Qanun layihəsində bildirilib.
Həmin məbləğdən 453 018 349,0 manat məktəbəqədər təhsilə, 2 371 983 758,0 manat ümumi təhsilə, 77 135 017,0 manat peşə təhsilinə, 101 114 397,0 manat orta ixtisas təhsilinə, 134 806 154,0 manat ali təhsilə, 20 727 009,0 manat əlavə təhsilə, 7 586 356,0 manat təhsil sahəsində tətbiqi tədqiqatlara, 1 383 545 050,0 manat isə təhsil sahəsində digər müəssisə və tədbirlərə xərclənməsi proqnozlaşdırılıb.
