“İslamı qəbul etmişəm və oruc tuturam”

NBA-nın sabiq oyunçusu Stiven Ceksondan sonra Kayri İrvinq də müsəlman olduğunu açıqlayıb.

Busaat.az xəbər verir ki, NBA təmsilçisi “Bruklin Nets”də oynayan basketbolçu “Boston Seltiks”ə qalib gəldikləri oyundan sonra jurnalistlərə açıqlamasında bu barədə bildirib:

“Allahın qulu olmaq. Mən belə olmağa davam edirəm. Cəmiyyətin bir hissəsi olduğum və düzgün işlər gördüyüm üçün xoşbəxtəm. Müsəlman icmasında oruc tutmaq dinin bir hissəsidir. Bunun bir parçası olduğuma görə özümü müqəddəs hiss edirəm. Müsəlman qardaşlarımın arasına qoşulub, Ramazan ayında oruc tuturam. Buna görə də oyunöncəsi hazırlıqlarımı dəyişdirmək məcburiyyətində qaldım”.