ABŞ-ın dərman istehsalçısı Pfizer Inc, xərçəng müalicəsi ilə bağlı araşdırmalarını genişləndirmək üçün xərçəng müalicəsi üzərində çalışan ABŞ-ın biotexnologiya şirkəti Seagen Inc-i təxminən 43 milyard dollara satın alıb.
Busaat.az xəbər verir ki, Reuters-in xəbərinə görə, Pfizer Seagen-i bir səhm üçün 229 dollara, yəni Seagen-in səhmləri üzrə 32,7 faiz əlavə dəyər ilə alıb.
Pfizer 2009-cu ildə Wyeth-i 67 milyard dollara satın aldıqdan sonra şirkətin ən böyük alışı olan bu sövdələşmə nəticəsində Pfizer araşdırmalarına dörd təsdiqlənmiş xərçəng müalicəsini əlavə edib.
Pfizer-in işinə əlavə etdiyi xərçəng müalicəsi 2022-ci ildə satışda təxminən 2 milyard dollar mənfəət qazandırıb.
Analitiklər bu xərçəng müalicəsinin satışlarının 2025-ci ilə qədər iki dəfə artacağını gözləyirlər.
Qeyd edək ki, Seagen-in səhmləri birja açılmazdan əvvəl 23 faiz artıb.
