Ağdamda partlayış baş verdi: Bir hərbçimiz həlak oldu, ikisi yaralandı
Bu gün günorta saatlarında Ağdam rayonu ərazisində partlayış baş verib.
Busaat.az Müdafiə Nazirliyinə istinadən xəbər verir ki, hadisə nəticəsində əsgər Zeynalov Qubad İslam oğlu həlak olub.
Digər iki hərbi qulluqçumuz Babayev Nemət Novruz oğlu və Məlikməmmədov Balaqardaş Mübariz oğlu müxtəlif dərəcəli bədən xəsarətləri alıblar. Hazırda yaralılar həkim nəzarətindədir, həyatları üçün təhlükə yoxdur.
Hadisə ilə bağlı cinayət işi açılıb, araşdırma aparılır.
Müdafiə Nazirliyinin rəhbərliyi həlak olan hərbi qulluqçunun yaxınlarına dərin hüznlə başsağlığı verir!
