Avropa İttifaqı (Aİ) Aİ-dən idxalda artım müşahidə edən üçüncü ölkələrdən Rusiyanın Ukraynada hərbi məqsədlər üçün istifadə edə biləcəyi qabaqcıl texnologiyaların və digər malların ticarət monitorinqini gücləndirmək üçün “xahiş etməyi” planlaşdırır.
Busaat.az xəbər verir ki, bu barədə Bloomberg məlumat yayıb.
Avropa İttifaqı və Yeddilik Qrupu (G7) ölkələrindən Rusiyaya qabaqcıl yarımkeçiricilər, inteqral sxemlər və digər texnologiyaların ixracı sanksiyalar və ixrac nəzarəti tətbiq edildikdən sonra əhəmiyyətli dərəcədə azalıb.
Lakin Aİ və G7-dən Türkiyə, Birləşmiş Ərəb Əmirlikləri, Qazaxıstan və Şərqi Avropa və Mərkəzi Asiyanın onlarla başqa ölkələrindən Rusiyaya ixrac artıb.
Daha əvvəl bildirilmişdi ki, Türkiyə hakimiyyətindən Qərbin Rusiyaya qarşı tətbiq etdiyi sanksiyalara uyğun olaraq, martın 1-dən etibarən sanksiyalara məruz qalan malların Türkiyə üzərindən tranzitini dayandırmağı istəyib.
Mətbuat gömrük sisteminin birdən-birə Aİ sanksiyaları altında olan malların tranzitini əngəlləməyə başladığını yazıb. Amma bununla bağlı Ankaradan heç bir rəsmi açıqlama verilməyib.
