Ankarada türk dünyasının ortaq təhsil proqramının vacibliyi vurğulandı – FOTO
Türkiyənin paytaxtı Ankarada “Türkiyə Yüzili Maarif Modeli İzləmə və Dəyərləndirmə Toplantısı” keçirilib.
Yenicag.az xəbər verir k, Türkiyə Təhsil və Elm Zəhmətkeşləri Birliyi (“Türk Eğitim-Sen”) tərəfindən təşkil olunan toplantıya Azərbaycan Milli Məclisinin üzvü Tənzilə Rüstəmxanlı da qatılıb.
Tədbiri “Türk Eğitim-Sen”in sədrinin müavini Çingiz Qocaqaplan açıq elan edib. Tədbirin əhəmiyyəti və nəzərdə tutulan nəticələri barədə məlumat verib.
Çıxış edən sədr Talib Geylan qonaqları salamlayıb. O bildirib ki, müasir dünyada ölkələrin ortaq xüsusiyyəti təhsil və təhsilə qoyulan investisiyalardır. Təhsilin inkişafı üçün görülən işlərin hər bir ölkənin iqtisadiyyatına müsbət təsir etdiyini bildirən Geylan müəllimlərin haqq və hüquqlaırnın qorunmasının vacibliyinə diqqət çəkib.
Geylan millət vəkili Tənzilə Rüstəmxanlıya tədbirə qatıldığı üçün xüsusi minnətdarlığını bildirib.
Tənzilə Rüstəmxanlı çıxışında türk dünyasında ortaq təhsil proqramının tətbiq edilməsinin önəminə diqqət çəkib. Türklük şüurunun gənc nəslə aşılanmasına xüsusi önəm verilməsinin vacibliyini vurğulayan Tənzilə Rüstəmxanlı bunda təhsilin mühüm rol oynadığını bildirib.
“Türk Eğitim-Sen”in Azərbyacanın müvafiq qurumlaır ilə əlaəqələrinə toxuna deputat qurumun 44 günlük Vətən müharibəsində ölkəmizə verdiyi dəyəri yükəsk qiymətləndirərək sədrə və bütün üzvlərə təşəkkür edib.
Qeyd edək ki, toplantı 20-yə yaxın sessiyada qızğın müzakirələrlə davam edəcək.
